సీయోను పాటలు సంతోషముగా...

పల్లవి :సీయోను పాటలు సంతోషముగా
              పాడుచు సీయోను వెల్లుదము (2)

చరణం :లోకాన శాశ్వతానందమేమియు
                  లేదని చెప్పెను ప్రియుడేసు (2)
                  పొందవలె నీ లోకమునందు
                  కొంతకాలమెన్నో శ్రమలు (2)       ||సీయోను||

చరణం :ఐగుప్తును విడచినట్టి మీరు
                 అరణ్యవాసులే ఈ ధరలో (2)
                  నిత్యనివాసము లేదిలలోన
                  నేత్రాలు కానానుపై నిల్పుడి (2)   ||సీయోను||

చరణం :మారాను పోలిన చేదైన స్థలముల
                 ద్వారా పోవలసియున్ననేమి (2)
                 నీ రక్షకుండగు యేసే నడుపును
                  మారని తనదు మాట నమ్ము (2) ||సీయోను||

చరణం :ఐగుప్తు ఆశలనన్నియు విడిచి
                 రంగుగ యేసుని వెంబడించి (2)
                 పాడైన కోరహు పాపంబుమాని
                 విధేయులై విరాజిల్లుడి (2)          ||సీయోను||

చరణం :ఆనందమయ పరలోకంబు మనది
                  అక్కడనుండి వచ్చునేసు (2)
                  సీయోను గీతము సొంపుగ కలసి
                  పాడెదము ప్రభుయేసుకు జై (2)   ||సీయోను||

This song is available in you-tube

Link:https://youtu.be/ZFDqubg-324