పల్లవి : చెమ్మగిల్లు కళ్ళలోన కన్నీళ్లెంత కాలం
కష్టాల బాటలోనె సాగదు పయనం
అ . ప : విడుదల సమీపించెను నీకు వెలుగు ఉదయించును || 2 || ||చెమ్మగిల్లు ||
చరణం : నీవు మోసిన నిందకు ప్రతిగా - పూదండ ప్రభువు యిచ్చునులె
నీవు పొందిన వేదనలన్ని - త్వరలో తీరిపోవునులె || 2 ||
నీ స్థితి చూసి నవ్వినవారే - సిగ్గుపడే దినమొచ్చేనులే
విడుదల సమీపించెను నీకు వెలుగు ఉదయించును || 2 ||
చరణం :అనుభవించిన లేమి బాధలు - ఇకపై నీకు వుండవులే
అక్కరలోన ఉన్నవారికి - నీవే మేలు చేసే వులే || 2 ||
మొదట నీ స్థితి కోంచమె ఉన్న - తుదకు వృద్ధిని పొందునులే
విడుదల సమీపించెను నీకు వెలుగు ఉదయించును || 2 ||
This song is available in Youtube:
No comments:
Post a Comment