పోతోంది కాలం - పోతోంది కాలం...

     

పల్లవి : పోతోంది కాలం - పోతోంది కాలం

రానంతదూరం ఓ సోదరా...

ఆగాలిపాదం - ఆపేను మరణం ఎటు నీ పయనం ఓ సోదరీ...

చాలు - చాలిక మోసముతో చేసిన చేతలకే

చాలు - చాలిక దోషముతో వేసిన అడుగులకే

చాల జాలి చూపె ప్రభువే పిలిచే చాలదంటు ఇలలో పరిగెడతావా... చాలినంత దయతో నీకై నిలిచే చాలదంటు కలలో బతికేస్తావా...? ||పోతోంది కాలం||

చరణం :ధరలోన విలువైనదేదైన గాని -వెల ఇచ్చి పొందాలిగా...

ధర లేని నిమిషాలు ఆ తండ్రి వరమే -వెలయేది యోచించవా.. ఉచితముగా పొందిన నీ జీవితకాలము - వ్యర్థముగా గడపడానికా...? ఉన్నత త్యాగము చేసిన క్రీస్తుయేసు బాటలో - కడవరకు సాగడానికా...? చాలు చాలిక - ఊహలలో నిండిన లోకముకే చాలు చాలిక - లోకముతో చేసిన స్నేహముకే చాలు చాలిక - పాపముతో నిండిన నడకలకే చాలు చాలిక - వేషముతో సాగిన తలపులకే ||పోతోంది కాలం||

చరణం :బహుస్వల్ప కాలము తనకుందని తెలిసి - చెలరేగేసాతానుడు..

ఇలలోన ప్రభుకి నువు నిలిచావని జూసి - వలవేసి గురినిలిపాడు.. మలినాలు పెంచేటి - ఇహలోక ఆశలకు గడచిన కాలం చాలదా...? మల్లించబడతావని మరి మరి చూస్తున్నా ఆ తండ్రి ప్రేమ అర్ధమే కాదా...? చాలు చాలిక - పరిశుద్ధతలేని బ్రతుకునకే చాలు చాలిక - ప్రభు సన్నిధి లేని పథములకే చాలు చాలిక - మాదిరిగా లేని మార్గముకే చాలు చాలిక - శోధనలో జారిన రోజులకే ||పోతోంది కాలం||

చరణం :నశియించు వారికైమానక పరుగిడుచు - నలిగారు హతసాక్షులు...
నామట్టుకైతే నా బ్రతుకే క్రీస్తoటూ - చావైనా తలదించారు... సంద్రాలుదాటేటి సహనాన్ని చూపిన - ఆ తెగింపునే చూడవా...? ఆ సాక్షమేఘాలు నిన్నా వరిస్తున్నా - ఇకనైనా కళ్ళు తెరవవా...? చాలు చాలిక - సోమరిగా జేసిన గతమునకే చాలు చాలిక - శోకముతో గడిపిన క్షణములకే చాలు చాలిక- నువు సిలువేసిన అన్యాయముకే చాలు చాలిక - ప్రభు గుండెకు చేసిన గాయముకే... ||పోతోంది కాలం||

This song is available in Youtube:

https://youtu.be/ianlhMSefUE